2018 жылдың 7-желтоқсанында «МӘСҚ» АҚ Президенті С.Дюсенова Қазақстан тарапынан Женева қаласында (Щвейцария) Халықаралық әлеуметтік қамсыздандыру қауымдастығының (бұдан әрі – ХӘҚҚ) жаңа Бас хатшысын сайлау үшін кеңестің 37-Сессиясына қатысты.
Кеңестің деректері бойынша сайлауға 147 елден 120 өкілдік делегат қатысты және Бас хатшы лауазымына 79 үміткерден 5 кандидатура таңдалып алынды.
Төрт кезеңмен өткен сайлау нәтижесі бойынша ХӘҚҚ жаңа Бас хатшысы болып 2019 жылдан бастап 6 жыл мерзімге Марсело Аби-Рамия Кайтано мырза сайланды.
ХӘҚҚ – халықты әлеуметтік қорғау саласында бірыңғай әлемдік саясатты жүзеге асыратын ұйым.
Әлемнің 147 елін біріктіретін қауымдастықтың басты мақсаты халықаралық деңгейде ынтымақтастықты жүзеге асыру және дамыту болып табылады. ХӘҚҚ Халықаралық еңбек ұйымының қолдауымен 1927 жылы құрылған.
«МӘСҚ» АҚ 2012 жылдан бері ХӘҚҚ мүшесі, ал 2016 жылы техникалық комиссияның құрамына кірді.